ایجنسیز
جموں؍۲۵مارچ
جموں و کشمیر کے ضلع سانبہ میں بین الاقوامی سرحد کے قریب بارڈر سیکیورٹی فورس (بی ایس ایف) نے ایک پاکستانی شہری کو حراست میں لے لیا۔
حکام کے مطابق، رام گڑھ سیکٹر میں بارڈر آؤٹ پوسٹ بھلر کے سامنے تعینات بی ایس ایف اہلکاروں نے ایک معمر شخص کی مشکوک نقل و حرکت کو محسوس کیا۔ جب وہ سرحد عبور کر کے بھارتی حدود میں داخل ہوا تو اہلکاروں نے اسے للکارا۔
حکام نے بتایا کہ للکارے جانے پر اس شخص نے خود کو حوالے کر دیا۔ ابتدائی پوچھ گچھ میں اس نے دعویٰ کیا کہ وہ غلطی سے سرحد پار کر آیا ہے۔
حکام کے مطابق ضروری قانونی کارروائی مکمل ہونے کے بعد اسے جلد واپس بھیجے جانے کا امکان ہے۔
