جموں میں کی نگریس کا ’لوک بھون چلو‘ مارچ پر روک دیا، متعدد حراست میں

جموں: حکام نے بتایا کہ ہفتہ کو پولیس نے یہاں لوک بھون کی جانب مجوزہ مارچ روک دیا جس کے بعد اے آئی سی سی کے جنرل سیکریٹری سید نصیر حسین اور پردیش کانگریس صدر طارق حمید قرہ سمیت درجنوں کانگریس کارکنان کو حراست میں لے لیا گیا۔
پولیس نے اس وقت کارروائی کی جب سینکڑوں کانگریس کارکن مہاراجہ ہری سنگھ پارک میں جمع ہوئے اور جموں و کشمیر کو ریاست کا درجہ بحال کرنے کے مطالبے پر مبنی اپنی ’ہماری ریاست ہمارا حق‘ تحریک اور ’منریگا بچاؤ سنگرام‘ کے تحت جلوس کی صورت میں لوک بھون کی طرف مارچ شروع کیا۔
کانگریس کے چیف ترجمان رویندر شرما نے کہا’’حسین (ایم پی)، قرہ، اے آئی سی سی کے جنرل سیکریٹری اور سی ایل پی لیڈر جی اے میر، ورکنگ صدر رمن بھلا اور اے آئی سی سی سیکریٹری و پنجاب کے ایم ایل اے پرگت سنگھ ان متعدد کانگریسیوں میں شامل تھے جنہیں جیول چوک کے قریب پولیس نے حراست میں لیا‘‘۔
پولیس کارروائی کی مذمت کرتے ہوئے انہوں نے کہا کہ کانگریس عوامی فلاح کے مسائل کو اجاگر کرنے کے لیے لوک بھون تک پُرامن مارچ کا منصوبہ رکھتی تھی، لیکن انہیں وہاں موجود پولیس گاڑیوں میں بٹھا کر ضلع پولیس لائنز میں رکھا گیا۔ (ایجنسیاں)