پلوامہ میں ٹرک سے ہیروئن ضبط، ڈرائیور گرفتار:پولیس

سرینگر: منشیات کے خلاف جاری مہم کے تحت ایک بڑی کامیابی حاصل کرتے ہوئے پلوامہ پولیس نے ناکہ چیکنگ کے دوران ایک ٹرک سے لاکھوں روپیے مالیت کا ہیروئن جیسا ممنوعہ مواد بر آمد کیا ہے اور ٹرک ڈارئیور کو گرفتار کیا ہے ۔
ایک پولیس ترجمان نے بتایا کہ پلوامہ پولیس کی ایک ٹیم نے لٹر علاقے میں ناکہ چیکنگ کے دوران ایک ٹرک کو روکا اور تلاشی کے دوران اس ٹرک سے۲۶۳گرام ہیروئن جیسا ممنوعہ مواد بر آمد کیا گیا۔
انہوں نے کہا کہ ٹرک ڈرائیور کی شناخت اطہر مقبول گنائی ولد مقبول احمد گنائی ساکن واگامہ بجبہاڑہ کے طور پر کی گئی ہے ۔
ان کا کہنا ہے کہ ڈرائیور کو بر سر موقع ہی گرفتار کیا گیا جبکہ ٹرک کو ضبط کیا گیا۔
پولیس ترجمان نے بتایا کہ اس سلسلے میں متعلقہ پولیس اسٹیشن میں این ڈی پی ایس ایکٹ کی متعلقہ دفعات کے تحت ایک مقدمہ درج کیا گیا اور مزید تحقیقات شروع کی گئی تاکہ منشیات کے ماخذ اور اس کی ترسیل کی منزل کا پتہ لگایا جا سکے اور اس میں ملوث دیگر افراد کی شناخت کی جا سکے ۔ انہوں نے کہا کہ پلوامہ پولیس منشیات کی لعنت کے مکمل خاتمے کے لئے پر عزم ہے ۔