جموں/۲۴ دسمبر
لیفٹیننٹ گورنر‘منوج سنہا نے کرسمس کے پْرمسرت موقع پر عوام کو دلی مبارکباد پیش کی ہے۔
اپنے پیغام میں لیفٹیننٹ گورنر نے کہا’’کرسمس کے پْرمسرت موقع پر میں عوام کو اپنی پرتپاک مبارکباد پیش کرتا ہوں۔ مجھے امید ہے کہ خوشیوں کا یہ موقع لوگوں کے درمیان محبت اور ہم آہنگی کو فروغ دے گا‘‘۔
سنہا کاکہنا تھا’’یہ تہوار، جو حضرت عیسیٰ مسیح کی پیدائش کی یاد میں منایا جاتا ہے، ہمیں اس بات کی یاد دہانی کراتا ہے کہ ہم اپنی روزمرہ زندگی میں حضرت مسیح کی محبت، ہمدردی اور درگزر کی تعلیمات کو اپنائیں۔ یہ بابرکت موقع ہمیں ایک خوشحال مستقبل کیلئے ایک دوسرے کی فلاح و بہبود کے تئیں اپنے عزم کی تجدید کی ترغیب دیتا ہے‘‘۔
کرسمس کی روح ہمیں ضرورت مندوں کی مدد کرنے کی تلقین کرے اور سب کے لیے امن، خوشحالی اور مسرت لے کر آئے۔
ڈی آئی پی آر
