بالائی علاقوں میں ۱۳سے۱۷ دسمبر کے دوران ہلکی برف باری کا امکان

وادیٔ کشمیر میں سردی کی شدت میں معمولی کمی ریکارڈ کی گئی ہے، کیونکہ ابر آلود موسم کے باعث کم سے کم درجہ حرارت میں قدرے اضافہ ہوا ہے۔ تاہم محکمہ موسمیات نے پیش گوئی کی ہے کہ وادی کے بالائی علاقوں میں بعض مقامات پر ہلکی برف باری ہو سکتی ہے۔ حکام نے ہفتہ کے روز یہ جانکاری دی۔
جموں و کشمیر کے گرمائی دارالحکومت سرینگر میں جمعہ کی رات کم سے کم درجہ حرارت منفی۹ء۲ ڈگری سینٹی گریڈ ریکارڈ کیا گیا، جو اس سے ایک رات قبل منفی۶ء۳ڈگری سیلسیس تھا۔ حکام کے مطابق یہ درجہ حرارت اس موسم کے معمول سے ۷ء۱ ڈگری کم ہے۔
محکمہ موسمیات کے مطابق شہر اور وادی کے بیشتر علاقوں میں گہری دھند چھائی رہی، خاص طور پر آبی ذخائر کے اطراف کے علاقوں میں دھند کی شدت زیادہ دیکھی گئی۔
کشمیر ویدر کے مطابق وادی میں ضلع پلوامہ سرد ترین علاقہ رہا ہے جہاں کم سے کم درجہ حرارت منفی۲ء۴ڈگری سینٹی گریڈ ریکارڈ ہوا ہے جس کے بعد دوسرے نمبر پر ضلع شوپیاں رہا ہے جہاں شبانہ درجہ حرارت منفی۷ء۳ڈگری سینٹی گریڈ ریکارڈ ہوا ہے ۔
گرمائی دار لحکومت سری نگر میں کم سے کم درجہ حرارت منفی۹ء۲ڈگری سینٹی گریڈ ریکارڈ ہوا ہے جہاں۲۸نومبر کو رواں سیزن کی سرد ترین رات ریکارڈ ہوئی تھی جب شبانہ درجہ حرارت منفی۵ء۴ڈگری سینٹی گریڈ ریکارڈ ہوا تھا۔
سیاحتی مقامات پہلگام اور گلمرگ میں کم سے کم درجہ حرارت بالترتیب منفی۸ء۲ڈگری سینٹی گریڈ اور۶ء۱ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی۴ء۲ڈگری سینٹی گریڈ جبکہ گیٹ وے آف کشمیر کے نام سے مشہور قصبہ قاضی گنڈ میں کم سے کم درجہ حرارت منفی۶ء۱ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندربل اضلاع میں کم سے کم درجہ حرارت بالترتیب منفی۱ء۳ڈگری سینٹی گریڈ اور منفی۸ء۱ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی۲ء۳ڈگری سینٹی گریڈ اور منفی۱ء۲ڈگری سینٹی گریڈ ریکارڈ ہوا ہے ۔
وادی کے ایک اور مشہور سیاحتی مقام سونہ مرگ میں کم سے کم درجہ حرارت منفی۳ء۰ڈگری سینٹی گریڈ جبکہ زوجیلا پاس پر شبانہ درجہ حرارت منفی۰ء۱۷ڈگری سینٹی گریڈ ریکارڈ ہوا ہے ۔
لداخ یونین ٹریٹری کے لیہہ اور کرگل اضلاع میں کم سے کم درجہ حرارت بالترتیب۶ء۵ڈگری سینٹی گریڈ اور منفی۲ء۵ڈگری سینٹی گریڈ ریکارڈ ہوا ہے ۔
دریں اثنا محکمہ موسمیات کے مطابق وادی میں ۲۶دسمبر تک موسم کسی بڑی تبدیلی کا کوئی امکان نہیں ہے ۔