۱۳سے۱۷ دسمبر تک بالائی علاقے ہلکی برف باری کا امکان خشک موسمی صورتحال کے بیچ شبانہ درجہ حرارت نقطہ انجماد سے نیچے

محکمہ موسمیات نے جمعرات کو اپنی تازہ ایڈوائزری میں کہا کہ جموں و کشمیر کے تنہا بالائی علاقوں میں۱۳ سے۱۷ دسمبر تک ہلکی برف باری ہونے کا امکان ہے۔
ایک عہدیدار نے کہا کہ ۱۲ دسمبر کو جموں و کشمیر میں موسم کی صورتحال ‘جزوی ابری’ رہنے کا امکان ہے، جب کہ۱۳ سے۱۷ دسمبر تک موسم جزوی سے عموماً ابری رہ سکتا ہے، اور شمالی اور وسطی کشمیر کے تنہا بالائی علاقوں میں رات گئے اور صبح کے ابتدائی اوقات میں بہت ہلکی برف باری کا امکان ہے۔
عہددار نے کہا کہ ۱۸ سے۱۹ دسمبر تک موسم کی صورتحال جزوی سے عموماً ابری رہنے کا امکان ہے۔۲۰ سے۲۱ دسمبر تک شام کے وقت عموماً ابری موسم رہے گا، اور کشمیر ڈویڑن کے متعدد مقامات پر ہلکی بارش اور برف باری جبکہ جموں ڈویڑن کے الگ تھلگ مقامات پر ایسا امکان موجود ہے، عہدیدار نے کہا۔
عہدیدار نے مزید کہا کہ۲۲ سے ۲۵دسمبر تک موسم ‘جزوی ابری’ رہنے کا امکان ہے۔اسی دوران، کشمیر ڈویڑن کے کئی مقامات اور جموں ڈویڑن کے تنہا مقامات پر ہلکا سے درمیانہ دھند جاری رہنے کا امکان ہے۔
دریں اثنا کشمیر میں طویل خشک موسمی صورتحال کے بیچ شبانہ درجہ حرارت مسلسل نقطہ انجماد سے نیچے ریکارڈ ہونے کے نتیجے میں ٹھٹھرتی سردیوں کا زور برابر جاری ہے ۔
کشمیر ویدر کے مطابق گرمائی دارلحکومت سرینگر میں کم سے کم درجہ حرارت منفی۹ء۲ڈگری سینٹی گریڈ ریکارڈ ہوا ہے جہاں گذشتہ شب کا درجہ حرارت منفی۹ء۱ڈگری سینٹی گریڈ ریکارڈ ہوا تھا۔
سرینگر میں۲۸نومبر کو رواں سیزن کی سرد ترین رات ریکارڈ ہوئی تھی جب شبانہ درجہ حرارت منفی۵ء۴ڈگری سینٹی گریڈ ریکارڈ ہوا تھا۔
وادی کے مشہور سیاحتی مقامات پہلگام ور گلمرگ میں کم سے کم درجہ حرارت بالترتیب منفی۶ء۴؍اور۰ء۰ڈگری سینٹی گریڈ ریکارڈ ہوا ہے ۔
شمالی ضلع کپوارہ میں کم سے کم درجہ حرارت منفی۲ء۴ڈگری سینٹی گریڈ ریکارڈ ہوا ہے جبکہ گیٹ وے آف کشمیر کے نام سے مشہور قصبہ قاضی گنڈ میں شبانہ درجہ حرارت منفی۲ء۳ڈگری سینٹی گریڈ ریکارڈ ہوا ہے ۔
جنوبی کشمیر کے پلوامہ اور شوپیاں اضلاع وادی کے سرد ترین اضلاع رہے ہیں ۔ضلع پلوامہ میں کم سے کم درجہ حرارت منفی۲ء۵ڈگری سینٹی گریڈ ریکارڈ ہوا ہے جبکہ شوپیاں ضلع میں بھی یہی درجہ حرارت ریکارڈ ہوا ہے ۔
اننت ناگ اور کولگام اضلاع میں کم سے کم درجہ حرارت بالترتیب منفی۳ء۴ڈگری سینٹی گریڈ اور منفی۴ء۰ڈگری سینٹی گریڈ ریکارڈ ہوا ہے ۔
شمالی کشمیر کے بارہمولہ اور بانڈی پورہ اضلاع میں کم سے کم درجہ حرارت بالترتیب منفی۳ء۲ڈگری سینٹی گریڈ اور منفی۵ء۳ڈگری سینٹی گریڈ ریکارڈ ہوا ہے ۔
وسطی کشمیر کے بڈگام اور گاندربل اضلاع میں شبانہ درجہ حرارت بالترتیب منفی۰ء۴ڈگری سینٹی گریڈ اور منفی۴ء۲ڈگری سینٹی گریڈ ریکارڈ ہوا ہے ۔
وادی کے ایک اور سیاحتی مقام سونہ مرگ میں کم سے کم درجہ حرارت منفی۵ء۲ڈگری سینٹی گریڈ جبکہ زوجیلا پاس پر شبانہ درجہ حرارت منفی۰ء۱۸ڈگری سینٹی گریڈ ریکارڈ ہوا ہے ۔
لداخ یونین ٹریٹری کے لیہہ اور کرگل اضلاع میں کم سے کم درجہ حرارت بالترتیب منفی۰ء۷ڈگری سینٹی گریڈ اور منفی۵ء۶ڈگری سینٹی گریڈ ریکارڈ ہوا ہے جبکہ دراس میں شبانہ درجہ حرارت منفی۹ء۹ڈگری سینٹی گریڈ ریکارڈ ہوا ہے ۔
محکمہ موسمیات کے مطابق وادی میں۲۰دسمبر تک موسم میں کسی بڑی تبدیلی کا کوئی امکان نہیں ہے ۔