شوپیاں میں منشیات فروش گرفتار، چرس بر آمد:پولیس

سرینگر/۱۳نومبر
معاشرے سے منشیات کی بیخ کنی کیلئے مسلسل کوششوں کو جاری رکھتے ہوئے جموں وکشمیر پولیس نے جنوبی کشمیر کے ضلع شوپیاں میں ایک منشیات فروش کو گرفتار کرکے اس کی تحویل سے چرس جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن امام صاحب کی ایک ٹیم نے منی ہال کراسنگ پر معمول کے ناکے کے دوران ایک مشتبہ شخص کو روکا۔
ترجمان نے کہا کہ تلاشی کے دوران اس کی تحویل سے۲۴۵گرام وزنی چرس کی۶چھڑیاں بر آمد کی گئیں جس کے بعد اس کو بر سر موقع ہی گرفتار کیا گیا۔
ملزم کی شناخت شہنواز احمد الائی ساکن ملہورہ زینہ پورہ کے طور پر کی گئی ہے ۔
پولیس ترجمان نے بتایا کہ اس سلسلے میں پولیس اسٹیشن امام صاحب میں این ڈی پی ایس ایکٹ کے تحت زیر ایف آئی آر نمبر۲۰۲۵/۳۷؍ایک مقدمہ درج کیا گیا اور مزید تحقیقات شروع کی گئی۔انہوں نے کہا کہ شوپیاں پولیس ضلع سے منشیات کی بیخ کنی کو یقینی بنانے کیلئے پر عزم ہے ۔ایجنسیز