حیدرآباد میں منشیات کے استعمال سے شخص کی موت، ایس او ٹی پولیس نے گروہ کو گرفتار کرلیا

حیدرآباد 6نومبر(یواین آئی) شہر کے راجندر نگر علاقہ میں منشیات استعمال کرنے سے ایک شخص کی موت واقع ہوئی۔ اطلاع کے مطابق 28 سالہ علی، جو موبائل ٹیکنیشن کے طور پر کام کرتا تھا، نے اپنے دوستوں کے ساتھ رات کے وقت حد سے زیادہ مقدار میں منشیات لی جس کے نتیجہ میں اس کی موت ہو گئی۔
اسی دوران، راجندر نگر میں ایس او ٹی پولیس نے ایک منشیات فروخت کرنے والے گروہ کو گرفتار کیا۔ پولیس کے مطابق، تین افراد کو بنگلورو سے حیدرآباد بس کے ذریعہ منشیات اسمگل کرتے ہوئے پکڑا گیا، جبکہ تین دیگر گاہکوں کو بھی حراست میں لیا گیا۔ان کے قبضہ سے 17 گرام ایم ڈی ایم اے ڈرگ برآمد کی گئی۔