دو ہی باتیں ہو سکتی ہیں… کوئی تیسری بات نہیں … بالکل بھی نہیں ۔ راہل گاندھی ہندوستانی سیاست کیلئے نہیں بنے ہیں یا پھر ہندوستانی سیاست راہل گاندھی کیلئے نہیں بنی ہے… بالکل بھی بنی ہے … تیسری بات نہیں ہو سکتی ہے… یا تیسری کوئی بات نہیں ہو سکتی ہے … بہار اسمبلی الیکشن کیلئے جمعرات کو پہلے مرحلے میں ووٹ ڈالے گئے …دوسرا مرحلہ ۱۱ نومبر کو ہورہا ہے… اور ہم آپ کو بتا رہے ہیں… پیشگی میں بتا رہے ہیں ‘ آپ کاغذ قلم ہاتھ میں لیں اور… اور لکھ لیجئے کہ یہ الیکشن … اس الیکشن میں بھی راہل گاندھی اور ان کے اتحادیوں کی ہار ہونے والی ہے… اوربری طرح سے ہونے والی ہے… کیوں ہو نے والی ہے ‘ یہ ہم نہیں جانتے ہیں… لیکن ہار ہو گی۔ راہل گاندھی اب کئی برسوں سے ہندوستانی سیاست میں ہیں… اس دوران ان کے بال اور داڑھی سیاہ سے کچھ کچھ سفید بھی ہوئی ہے… اس کے علاوہ بھی بہت کچھ ہوا ہے…لیکن… لیکن جو ایک بات ہونی تھی‘ وہ نہیں ہو ئی ہے… وہ نہیں ہو رہی ہے… وہ ایک بات اگر ہو جائے تو… تو پھر دیکھئے تماشا کہ… کہ پھر سچ میں اپنے مودی جی کے بھی پسینے چھوٹ جائیں گے اور سو فیصد چھوٹ جائیں گے… لیکن کم بخت یہ چیز نہیں ہو رہی ہے اور وہ ہے اعتماد… لوگوں کا… عام لوگوں کا راہل گاندھی پر اعتماد اور بھروسہ … کسی کو ان پر یہ بھروسہ اور اعتماد قائم ہی نہیں ہو رہا ہے کہ یہ جناب ملک کی قیادت کرنے کی صلاحیت رکھتے ہیں… کوئی یہ بات ماننے کیلئے تیار ہی نہیں ہے… اس لئے نہیں ہے کیونکہ کوئی انہیں سنجیدہ نہیں لے رہا ہے… حالانکہ ان جناب نے اپنی طرف سے ہر ممکن کوشش کی بھی تھی… اور بھارت جوڑو یاترا کے بعد ہمیں لگا بھی تھا کہ… کہ اب شاید ان کی باری آئیگی … اب شاید یہ لوگوں کا اعتماد اور بھروسہ حاصل کر پائیں گے… لیکن… لیکن ایسا نہیں ہوا… بالکل بھی نہیں ہوا … کیوں نہیں ہوا ‘ ہم اتنے گیانی نہیں ہیں کہ…کہ ہم اس کا تجزیہ کریں … بس اگر ہماری اس نا سمجھ ، سمجھ میں کوئی بات آئی ہے تو… تو یہ ایک بات آئی ہے کہ راہل ہندوستانی سیاست یا ہندوستانی سیاست ان کیلئے نہیں بنی ہے… بالکل بھی نہیں بنی ہے ۔ ہے نا؟
راہل گاندھی کا مسئلہ…؟
