مودی بہار میں جننائک کرپوری ٹھاکر کے گاؤں سے انتخابی مہم شروع کریں گے 

نئی دہلی، 24 اکتوبر (یو این آئی) وزیر اعظم نریندر مودی جمعہ کو جننائک کرپوری ٹھاکر کے گاؤں سے بہار اسمبلی انتخابی مہم کا آغاز کرنے والے ہیں۔
مسٹر مودی نے کہا کہ بہار کے لوگوں کا جوش وخروش اس بات کی طرف اشارہ کرتا ہے کہ اس اسمبلی انتخابات میں بھی بی جے پی – قومی جمہوری اتحاد بھاری اکثریت سے کامیابی حاصل کرنے والا ہے ۔ بہار اسمبلی انتخابات کے اعلان کے بعد وزیر اعظم کا یہ پہلا انتخابی دورہ ہے ۔
بہار کے انتخابی دورے پر روانہ ہونے سے پہلے وزیر اعظم نے سوشل میڈیا ایکس پر پوسٹ کیا، "بھارت رتن کرپوری ٹھاکر جی کو خراج عقیدت! آج مجھے سمستی پور میں انہیں خراج عقیدت پیش کرنے کا شرف حاصل ہوگا۔ پھر دوپہر تقریباً 12:15 بجے مجھے وہاں کے اپنے خاندان کے افراد سے بات چیت کرنے کا موقع ملے گا۔ اس کے بعد تقریباً 2 بجے بیگوسرائے جلسہ عام میں اپنے بھائی بہنوں کا آشیرواد حاصل کروں گا۔ بہار کے لوگوں کا جوش و جذبہ بتاتا ہے کہ اس اسمبلی انتخابات میں بھی بی جے پی – قومی جمہوری اتحاد بھاری اکثریت سے جیتنے والا ہے ۔