رشوت کیس میں جے کے ایل ایف سی کا سیکشن افسر گرفتار

جموں/۱۸؍اکتوبر
سینٹرل بیورو آف انوسٹی گیشن (سی بی آئی) نے جموں وکشمیر اینڈ لداخ فائنانس کارپوریشن (جے کے ایل ایف سی) کے ایک افسر کو رشوت طلب کرنے اور شکایت کنندہ سے رشوت کی ایک قسط وصول کرنے کے الزام میں گرفتار کیا ہے ۔
ایک ترجمان نے بتایا کہ سی بی آئی نے جے کے ایل ایف سی (لیگل) جموں کے ایک سیکشن افسر کو رشوت طلب کرنے اور شکایت کنندہ سے۲۰ہزار روپیوں کی پہلی قسم وصول کرنے کے الزام میں گرفتار کیا ہے ۔
گرفتار شدہ کی شناخت سنیل جنجوہ کے طور پر کی گئی ہے ۔
ترجمان نے کہا کہ موصولہ شکایت کے مطابق ملزم نے شکایت کنندہ سے۵۱لاکھ روپیوں کے ایم ایس ایم ای قرضے کی فائل کی کارروائی کیلئے ۸۰ہزار رویے رشوت کا مطالبہ کیا تھا اور شکایت کنندہ کے ساتھ گفت و شنید کے دوران پہلی قسط ۲۰ہزار روپیے طے پائی تھی۔
اب کا کہنا ہے کہ سی بی آئی نے۱۷؍اکتوبر۲۰۲۵کو ایک ٹریپ بچھایا اور ملزم سکیشن افسر کو ۲۰ہزار روپیوں کی رشوت کی پہلی قسط وصول کرتے ہوئے رنگے ہاتھوں پکڑ لیا۔
ترجمان نے بتایا کہ یہ رقم شکایت کنندہ نے آن لائن یو پی آئی ٹرانزکیشن کے ذریعے اس موبائل نمبر پر بھیجی تھی جو ملزم نے فراہم کیا تھا اور یہ رقم۵۱لاکھ روپیے قرض کے تصفیے سے متعلق تھی۔
انہوں نے کہا کہ طے شدہ بات چیت کے مطابق باقی رقم اس وقت دی جانی تھی جب اس معاملے میں شکایت کنندہ کے حق میں فیصلہ لیا جاتا۔ ان کا کہنا ہے کہ ملزم کے رہائشی مکان پر تلاشی کارروائی جاری ہے اور مزید تحقیقات بھی جاری ہے۔