بارہویں جماعت کے کامیاب طلبا کیلئے داخلہ تاریخ میں توسیع

سرینگر/۱۰؍ اکتوبر
ڈائریکٹر کالجز جموں و کشمیر ڈاکٹر شیخ اعجاز بشیر نے سالانہ پرائیویٹ/بائے اینول۲۰۲۵ سیشن کے تحت سکینڈری سکول اِمتحان ( بارہویں جماعت ) کے کامیاب طلباکیلئے داخلہ کی آخری تاریخ۱۴؍اکتوبر ۲۰۲۵ ء تک توسیع کا اعلان کیا ہے۔
یہ داخلے چار سالہ اَنڈرگریجویٹ پروگرامز (ایف وائی یو جی پی) کیلئے ہیں جن میں ’’ملٹی پل ایگزٹ آپشنز‘‘ دستیاب ہیںجو جموں و کشمیر کے مختلف ڈِگری کالجوں میں تعلیمی سیشن۲۰۲۶۔۲۰۲۵ ء کیلئے خالی خالی نشستوں کے مقابلے میں پیش کئے جاتے ہیں۔
پہلے جاری شدہ نوٹیفکیشن کے تسلسل میں طلبأ کی جانب سے موصول ہونے والی متعدد درخواستوں کو مدنظر رکھتے ہوئے داخلے کی آخری تاریخ ۱۴؍؍اکتوبر ۲۰۲۵ ء تک بڑھا دی گئی ہے۔ دیگر شرائط و ضوابط میں کوئی تبدیلی نہیں کی گئی ہے۔