سندھو اور پرنائے کا چیلنج کوارٹر فائنل میں ختم ہو گیا

کوالالمپور// سابق عالمی چیمپئن پی وی سندھو اور ہندوستان کے ایچ ایس پرنائے نے جمعہ کو کوارٹر فائنل میں شکست کے ساتھ ملائیشیا اوپن سپر 750 سیریز بیڈمنٹن ٹورنامنٹ میں اپنی مہم ختم کردی۔ سندھو کو چینی تائپے کی دوسری سیڈ تائی زو ینگ سے تین گیمز میں شکست کا سامنا کرنا پڑا جبکہ پرنائے کو مسلسل گیمز میں ساتویں سیڈ انڈونیشیا کے جوناتھن کرسٹی سے شکست ہوئی۔
سندھو 53 منٹ میں 21-13، 15-21، 13-21 سے میچ ہار گئیں۔ اس جیت کے ساتھ ہی تائی زو ینگ نے ہندوستانی کھلاڑی کے خلاف اپنے کیریئر کا ریکارڈ 16-5 تک پہنچا دیا۔ پرنائے کو کرسٹی نے 44 منٹ میں 21-18، 21-16 سے شکست دی۔
ہندوستانی کھلاڑی پہلا گیم جیتنے کے بعد اس رفتار کو برقرار نہیں رکھ سکے اور اگلے دو گیم ہار گئے۔ سندھو کو ژو ینگ سے لگاتار چھٹی شکست کا سامنا کرنا پڑا۔