سرینگر/۶۲ستمبر
محکمہ موسمیات نے اگلے۰۱دنوں تک موسم مجموعی طور پر خشک رہنے کی پیش گوئی کرتے ہوئے کہا ہے کہ وادی کشمیر میں آنے والے دنوں کے دوران درجہ حرارت میں بتدریج گراوٹ ریکارڈ ہونے کا امکان ہے ۔
کسانوں سے کہا گیا ہے کہ وہ اپنے کھیت کھلیانوں میں دھان فصل کی کٹائی اور دوسرے کام جاری رکھ سکتے ہیں۔
موسمیات محکمے کے ایک ترجمان نے بتایا کہ۷۲ سے۰۳ستمبر تک موسم مجموعی طور پر خشک رہنے کا امکان ہے ۔انہوں نے کہا کہ بعد میں یکم اکتوبر سے۵اکتوبر تک بھی موسم کی کم وبیش یہی صورتحال رہ سکتی ہے ۔
ان کا کہنا ہے کہ بعد میں۶سے۸اکتوبر تک جموں و کشمیر میں کہیں کہیں ہلکی بارشیں جبکہ کچھ پہاڑی علاقوں میں ہلکی برف باری کا امکان ہے ۔
ترجمان نے بتایا کہ وادی میں۹۲ستمبر سے دن اور رات کے درجہ حرارت میں بتدریج گراوٹ درج ہونے کا امکان ہے ۔انہوں نے کسانوں سے کہا کہ وہ اپنے کھیت کھلیانوں میں دھان فصل کٹائی اور دوسرے کام جاری رکھ سکتے ہیں۔
دریں اثنا وادی میں جمعرات کی شام کو تیز ہواﺅں کے بعد جمعہ کو صبح سے موسم خشک رہا اور دھوپ بھی چھائی رہی اور اس دوران دیہی علاقوں میں کسانوں کو اپنے کھیت کھلیانوں میں دھان فصل کی کٹائی اور دوسرے کاموں میں مصروف عمل دیکھا گیا۔
ادھروادی کشمیر کو ملک کے باقی حصوں کے ساتھ جوڑنے والی۰۷۲کلو میٹر طویل سرینگر، جموں قومی شاہراہ پر جمعہ کو چھوٹی گاڑیوں کو سری نگر سے جموں جانے کی اجازت ہے جبکہ بڑی گاڑیوں کو اودھم پور سے سرینگر آنے کی اجازت ہے ۔
حکام نے بتایا کہ کسی بھی چھوٹی گاڑی کو جموں سے سری نگر جانے کی اجازت نہیں ہوگی۔
ادھر وادی کو جموں صوبے کے ساتھ جوڑنے والے مغل روڈ اور وادی کو مرکزی زیر انتظام علاقہ لداخ کے ساتھ جوڑنے والی سرینگر، لیہہ شاہراہ پر ٹریفک کی دو طرفہ نقل و حمل جاری ہے ۔
ٹریفک حکام نے بتایا کہ قومی شاہراہ پر جمعہ کو چھوٹی گاڑیوں کو سری نگر سے جموں جانے کی اجازت ہے جبکہ بڑی گاڑیوں کو ٹریفک کنٹرول روم کی اجازت کے بعد اودھم پور سے سری نگر جانے دیا جائے گا۔انہوں نے کہا کہ کسی بھی چھوٹی گاڑی کو جموں سے سری نگر جانے کی اجازت نہیں ہوگی۔
لوگوں سے لین ڈسپلن کا خیال رکھنے اور اوو ٹیکنگ کرنے سے پرہیز کرنے کو کہا گیا ہے ۔
حکام نے بتایا کہ مغل روڈ پر چھوٹی گاڑیوں کو دوطرفہ چلنے کی اجازت ہے تاہم اس روڈ پر کسی بھی بڑی گاڑی کو چلنے کی اجازت نہیں ہوگی۔انہوں نے کہ سرینگر، لیہہ شاہراہ اور سنتھن روڈ پر بھی ٹریفک حسب ایڈوائزری جاری ہے ۔
ایجنسیز
