جموں کشمیر میں بڑھتے ہوئے کورونا مثبت معاملات‘ مزید۸۳ درج

سرینگر//
جموں کشمیر میں پچھلے چوبیس گھنٹوں کے دوران کورونا وائرس کے۸۳نئے معاملات سامنے آئے ہیںجن میں۲۴کاکشمیر اور ۵۹ کا تعلق جموں صوبہ سے ہے۔
ایک سرکاری بیان میں کہا گیا ہے کہ اِس طرح مثبت معاملات کی کل تعداد۴لاکھ۵۵ہزار۸۹تک پہنچ گئی ہے‘ جن میں سے۴۹۳(صوبہ جموں میں۳۵۳؍اور کشمیر صوبے میں۱۴۰)سر گرم معاملات ہیں۔اَب تک۴لاکھ۴۹ہزار۸۴۰؍اَفراد صحت یاب ہوئے ہیں ۔
بیان کے مطابق پچھلے چوبیس گھنٹوں کے دوران ضلع کولگام میں ایک،ضلع کپواڑہ میںایک، ضلع بارہمولہ میں ۲، ضلع بڈگام میں ایک اورضلع سرینگر میں۱۹ نئے معاملے درج کئے گئے ہیں۔اسلام آباد ، پلوامہ ،بانڈی پورہ ، گاندربل اورشوپیان اضلاع سے مثبت معاملات کی کوئی رِپورٹ نہیں ہے۔
اِسی طرح ضلع سانبہ میں۲، ضلع اودھمپور میں بھی ۲، ضلع راجوری میں ایک،ضلع کٹھوعہ میں۳،ضلع پونچھ میں ۲؍اورضلع جموںمیں۴۹ نئے مثبت معاملے سامنے آئے ہیں۔ کشتواڑ، ڈوڈہ ،رام بن اوررِیاسی اضلاع سے کسی مثبت معاملے کی کوئی رِپورٹ نہیں آئی ہے۔
اِسی دوران آج مزید۳۷؍اَفراد شفایاب ہوئے ہیںجن میں۱۵صوبہ کشمیر اور۲۲کا تعلق جموں صوبہ سے ہے۔
بیان میں کہا گیا ہے کہ پچھلے ۲۴ گھنٹوں کے دروان دونوں صوبوں میں کورونا وائر س سے کوئی تازہ موت درج نہیں ہو ئی ہے ۔اب تک جموں وکشمیر میں کوروناوائرس سے مرنے والوں کی مجموعی تعداد۴۷۵۶تک پہنچ گئی ،جن میں سے۲۴۲۵کا کشمیر اور۲۳۳۱کاتعلق جموں صوبہ سے ہے۔