سرینگر/۶۲ ستمبر
جموںکشمیر حکومت نے جمعہ کو انتظامی سروس (جے کے اے ایس) کے۹۱ افسران کو اعلیٰ درجات پر ترقی دینے کا حکم جاری کیا ہے۔
یہ فیصلہ وزراءکی کونسل کی ۳۲ ستمبر ۵۲۰۲ کو دی گئی منظوری کے بعد لیا گیا۔
جنرل ایڈمنسٹریشن ڈپارٹمنٹ کے جاری کردہ حکم نامے کے مطابق، پانچ افسران کو سپر ٹائم اسکیل (لیول ۴۱) میں ترقی دی گئی ہے، جن میں ڈاکٹر غلام نبی ایتو، طارق حسین گنائی، محمد رفیع، شہباز احمد مرزا اور روبینہ کوثر شامل ہیں۔
ان میں ڈاکٹر ایتو، گنائی اور کوثر کو اپنے متعلقہ محکموں میں ڈائریکٹر جنرل تعینات کیا گیا ہے، جب کہ باقی دو اپنے موجودہ عہدوں پر خدمات انجام دیتے رہیں گے۔
اسی طرح ایک علیحدہ حکم کے ذریعے چھ افسران کو اسپیشل اسکیل (لیول ۳۱) پر ترقی دی گئی ہے۔ ان میں پرویز سجاد گنائی، ویر کرشن دھر، ڈاکٹر طاہر فردوس دتہ، شوکت محمود، وِشال شرما اور ڈاکٹر دیس راج بھاگت شامل ہیں۔ حکم کے مطابق دھر، محمود اور شرما کو اپنے محکموں میں اسپیشل سیکریٹری مقرر کیا گیا ہے۔
مزید برآں، آٹھ افسران کو سلیکشن گریڈ (لیول ۲۱) میں ترقی دی گئی ہے۔ ان میں پرویندر کور، منو ہنسا، ناصر محمود خان، احسان الحق چشتی، محمد اشرف، توفیق احمد غازی، سنجیو شرما اور سنینا سینی شامل ہیں۔ ان میں سے محمد اشرف کو ایڈیشنل سیکریٹری کا عہدہ دیا گیا ہے، جب کہ باقی افسران اپنی موجودہ ذمہ داریاں ہی ادا کرتے رہیں گے۔
ڈی پی آئی آر
