شوپیاں میں منشیات فروش گرفتار چرس جیسا مواد بر آمد:پولیس

سرینگر/۲۴ستمبر
منشیات کی لعنت کے خلاف ایک بڑی کارروائی میں پولیس نے جنوبی کشمیر کے ضلع شوپیاں میں ایک منشیات فروش کو گرفتار کرکے اس کی تحویل سے چرس جیسا ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں کہا کہ پولیس اسٹیشن ہیر پورہ کی ایک ٹیم نے چھوٹی پورہ سیڈو میں ایک ناکہ لگایا اور اس دوران ایک مشتبہ شخص کو روکا گیا۔
ترجمان نے کہا کہ تلاشی کے دوران اس کی تحویل سے تقریباً ۶۵۲گرام چرس جیسا ممنوعہ مواد بر آمد کیا گیا جس کے بعد اس کو بر سر موقع ہی گرفتار کیا گیا۔
گرفتار شدہ کی شناخت ارشاد احمد بٹ ولد غلام احمد بٹ ساکن ہانجی پورہ کولگام کے طور پر کی گئی۔
بیان میں کہا گیا کہ اس ضمن میں پولیس اسٹیشن ہیر پورہ میں این ڈی پی ایس ایکٹ کے تحت زیر ایف آئی آر نمبر۲۰۲۵/۴۵ایک مقدمہ درج کیا گیا اور مزید تحقیقات شروع کی گئی۔
شوپیاں پولیس نے لوگوں سے منشیات کے خلاف مہم کو کامیاب بنانے کیلئے بھر پور تعاون فراہم کرنے کی اپیل کی ہے ۔انہوں نے کہا کہ پولیس منشیات کی بیخ کنی کو یقینی بنانے کیلئے پر عزم ہے ۔