سینئر صحافی خورشید وانی کی جواں سالہ بیٹی سڑک حادثے میں ہلاک

سرینگر/۲۳ستمبر
وادی کے ایک سینئر صحافی‘خورشید احمد وانی کی جواں سالہ بیٹی منگل کی صبح جنوبی ہند کے شہر حیدر آباد میں ایک سڑک حادثے میں جاں بحق ہو گئی ۔
وانی ‘جو گزشتہ ۶ برسوں سے حیدر آباد میں مقیم ہیں کاکہنا ہے کہ منگل کی صبح ان کی بیٹی ‘ یمنا کالیج جا رہی تھی کہ راستے میں ایک گاڑی نے حیات نگر علاقے میں اسے ٹکر مار دی۔ وانی کے مطابق یمنا کو شدید زخمی حالت میں ہسپتال پنچایا گیا ‘جہاں وہ دم توڑ گئی۔
خاندانی ذرائع کے مطابق یمنا کی میت بدھ کی صبح سرینگر ائر پورٹ پہنچے گی جہاں سے اسے آخری رسومات کیلئے آبائی علاقے ترال لیا جائے گا ۔
حیدرآباد میں پولیس نے مقدمہ درج کیا ہے اور تصدیق کی ہے کہ واقعے میں ملوث گاڑی کا سراغ لگانے کیلئے تحقیقات شروع کر دی گئی ہے‘جبکہ ڈرائیور جو حادثے کے بعد فرار ہو گیا ‘ کی تلاش جاری ہے ۔
ایک پولیس اہلکار نے بتایا کہ حادثے کے ذمہ دار ڈرائیور کی شناخت کے لیے علاقے کی سی سی ٹی وی فوٹیج کا جائزہ لیا جا رہا ہے۔
ترال سے تعلق رکھنے والے خورشد احمد وانی گزشتہ چھ سالوں سے حیدرآباد میں رہ رہے ہیں ، جہاں وہ ای ٹی وی بھارت میں نیوز ایڈیٹر ہیں ۔
صحافتی برداری نے اس حادثے پر گہرا دکھ اور افسوس کا اظہار کرتے ہوئے وانی اور اس کے اہل خانہ سے تعزیت کا اظہار کیا ہے ۔ندائے مشرق خبر