کٹھوعہ میں بین الاقوامی سرحد کے قریب سرچ آپریشن شروع

جموں/۱۷ستمبر
جموں کشمیر کے ضلع کٹھوعہ میں بدھ کے روز سیکورٹی فورسز نے بین الاقوامی سرحد کے نزدیک گھنے جنگلات کو محاصرے میں لے کر بڑے پیمانے پر تلاشی کارروائی شروع کی ہے ۔
سرکاری ذرائع نے بتایا کہ ایس اوجی اور سی آر پی ایف نے مشترکہ طور پر سہ پہر قریب۳بجے دھولکا۔سنیال علاقے میں سرچ آپریشن کا آغاز کیا، جو ممکنہ دراندازی کے راستے کے طور پر جانا جاتا ہے ۔
ذرائع کے مطابق تلاشی کارروائی آخری اطلاعات موصول ہونے تک جاری تھی۔
قابل ذکر ہے کہ رواں برس مارچ میں اسی نرسری علاقے میں سیکورٹی فورسز نے ایک گروپ کو اس وقت روکا تھا جب وہ سرحد پار سے اسلحہ سمیت دراندازی کر کے داخل ہوئے تھے ۔
اس طویل آپریشن میں کالعدم تنظیم جیش سے وابستہ تین دہشت گرد مارے گئے تھے ۔ایجنسیز