جلد ہی ممبئی آؤں گا، 50 ایم ایل اے ہمارے ساتھ ہیں: ایکناتھ شندے

گوہاٹی//
شیوسینا کے باغی ایم ایل اے ایکناتھ شندے نے منگل کو کہا کہ وہ جلد ہی ممبئی پہنچیں گے۔ ایکناتھ شندے نے یہ بھی کہا کہ ان کے ساتھ 50 ایم ایل اے ہیں، جو ان کے ساتھ اپنی مرضی سے آئے ہیں۔ گوہاٹی میں ریڈیسن بلو ہوٹل کے باہر میڈیا سے بات کرتے ہوئے شیو سینا کے باغی رہنما ایکناتھ شندے نے کہا کہ ہم شیوسینا کے ساتھ ہیں اور جلد ہی ممبئی جاؤں گا۔
شایکناتھ شندے نے کہا کہ "ہم شیو سینا میں ہیں اور پارٹی کو آگے لے کر جائیں گے۔ ہم بالا صاحب ٹھاکرے کے ہندوتوا کو آگے لے جا رہے ہیں اور اس میں کوئی شک نہیں ہونا چاہیے۔” شندے نے مزید کہا کہ "دیپک کیسرکر ہمارے ترجمان ہیں اور وہ آپ کو ہمارے موقف کے بارے میں اپ ڈیٹ دیں گے۔ ہم آپ کو کارروائی کے بارے میں بتائیں گے۔”
دریں اثنا، اس بات پر زور دیتے ہوئے کہ اس ہفتے فلور ٹیسٹ ہو سکتا ہے، باغی شیو سینا ایم ایل اے سدا سرواکر نے میڈیا کو اس بات کی تصدیق کی ہے کہ شندے کی جلد ہی مہاراشٹر کے گورنر بھگت سنگھ کوشیاری سے ملاقات متوقع ہے۔