سرینگر//
ہندوستانی حاجی کمیٹی نے حج۲۰۲۶ کیلئے درخواست فارم جمع کرانے کی آخری تاریخ میں توسیع کر دی ہے۔
اب خواہشمند حاجی۷؍ اگست ۲۰۲۵ تک اپنی درخواستیں جمع کرا سکتے ہیں۔
یہ اطلاع حاجی کمیٹی آف انڈیا کی طرف سے جاری ایک سرکاری اعلامیہ میں دی گئی ہے۔
اعلامیہ کے مطابق، وہ تمام درخواست گزار جن کے پاس۷؍ اگست ۲۰۲۵ تک جاری کردہ مشین ریڈایبل درست ہندوستانی بین الاقوامی پاسپورٹ موجود ہو، اور جو کم از کم ۳۱ دسمبر ۲۰۲۶ تک کارآمد ہو، وہ حج ۲۰۲۶ کیلئے اہل سمجھے جائیں گے۔
درخواستیں صرف آن لائن ہی جمع کی جا سکتی ہیں، یا تو حاجی کمیٹی آف انڈیا کی ویب سائٹ پر یا اینڈرائیڈ موبائل ایپ’HAJ SUVIDHA‘ کے ذریعے، جو گوگل پلے اسٹور پر دستیاب ہے۔
درخواست گزاروں کو مشورہ دیا گیا ہے کہ آن لائن فارم بھرنے سے پہلے حج پالیسی اور رہنما خطوط کو حاجی کمیٹی کی ویب سائٹ سے بغور پڑھ لیں تاکہ کسی قسم کی غلطی سے بچا جا سکے۔
