ممبئی حملوں کے ماسٹر مائنڈساجدمیرکو پاکستان میں ۱۵ سال قید کی سزا

سرینگر//
پاکستان میں انسداد دہشت گردی کی ایک عدالت نے ۲۰۰۸ کے ممبئی حملوں کے ماسٹر مائنڈ کو دہشت گردی کی مالی تعاون کے مقدمے میں۱۵ سال سے زائد قید کی سزا سنائی ہے۔
عدالت نے کالعدم لشکر طیبہ کے رکن ساجد مجید میر کو سزا سنائی ہے۔ ایک سینئر وکیل نے جمعہ کو خبر رساں ایجنسی کو بتایا’’عدالت نے ساجد مجید میر کو۱۵ سال قید کی سزا سنائی ہے‘‘۔
پنجاب پولیس کے محکمہ انسداد دہشت گردی (سی ٹی ڈی) نے، جو میڈیا کو ایسے معاملات میں سزا کی معلومات فراہم کرتا ہے، نے دہشت گردی کی مالی معاونت پر میر کی سزا کی اطلاع نہیں دی تھی۔
واضح رہے کہ گزشتہ اپریل ماہ میں مرکزی وزارت داخلہ نے ایک نوٹیفکیشن جاری کرکے ممبئی دہشت گردانہ حملے کے ماسٹر مائنڈ اور جماعت الدعوۃ کے سربراہ حافظ سعید کے بیٹے طلحہ سعید کو بطور عسکریت پسند کی فہرست میں شامل کیا۔
وزارت کی طرف سے جاری ایک نوٹیفکیشن میں کہا گیا تھا کہ پاکستان کے شہر لاہور کے باشندے حافظ طلحہ سعید لشکر کا ایک سینئر لیڈر ہے اور مولوی ونگ کا سربراہ ہے۔