پونچھ کے مینڈھر میں سڑک حادثہ‘۹زخمی

جموں//
جموں وکشمیر کی سڑکوں پر حادثوں کا سلسلہ تھمنے کا نام ہی نہیں لے رہا ہے ۔
ذرائع کے مطابق ضلع پونچھ کے مینڈھر علاقے جمعرات کی صبح ایک گاڑی حادثے کا شکار ہوئی جس کے نتیجے میں۷خواتین سمیت کم سے کم۹؍افراد زخمی ہوگئے ۔
ذرائع نے کہا کہ مینڈھر کے دھرگلون علاقے کے کوٹا کے نزدیک ایک ٹاٹا سوموڈرائیور کے کنٹرول سے باہر ہوکر قریب ۱۰۰فٹ گہری کھائی میں جا گری ۔
ان کا کہنا ہے کہ اس حادثے میں۷خواتین سمیت۹؍افراد زخمی ہوگئے جنہیں علاج و معالجے کے لئے فوری طور پر سب ضلع ہسپتال مینڈھر منتقل کیا گیا۔
دریں اثنا پولیس نے اس سلسلے میں ایک کیس درج کرکے کارروائی شروع کی ہے ۔