بارہمولہ میں بجلی کا کرنٹ لگنے سے ڈرائیور کی موت

سرینگر//
شمالی کشمیر کے ضلع بارہمولہ میں ایک ٹرک ڈرائیور کی بجلی کا کرنٹ لگنے سے موت واقع ہوئی۔
سرکاری ذرائع نے بتایا کہ بارہمولہ کے تلہ گام پٹن علاقے میں جمعرات کو ایک ٹرک ڈرائیور کی بجلی کا کرنٹ لگنے سے موت واقع ہوئی۔
ذرائع نے کہا کہ گرچہ اس ڈرائیور کو فوری طور پر سب ضلع ہسپتال منتقل کیا گیا تاہم وہاں ڈاکٹروں نے اس کو مردہ قرار دیا۔
متوفی ڈرائیور کی شناخت تاثیر احمد شیخ ساکن والرامن چنڈوسہ کے طور پر کی گئی ہے ۔
دریں اثنا پولیس نے اس سلسلے میں ایک کیس درج کرکے کارروائی شروع کی ہے ۔