سیمپورہ سڑک حادثے میں نوجوان جاں بحق

سرینگر//
جموںکشمیر کے گرمائی دارلخلافہ سرینگر کے سیمپورہ علاقے میں پیش آئے سڑک کے ایک دلدوز حادثے میں ۱۶سالہ نوجوان کی موت واقع ہوئی ہے ۔
اطلاعات کے مطابق سیمپورہ میں ایک تیز رفتار گاڑی نے سکوٹی کو ٹکر ماری جس کے نتیجے میں سکوٹی پر سوار نوجوان شدید طورپر زخمی ہوا۔
معلوم ہوا ہے کہ آس پاس موجود لوگوں نے زخمی نوجوان کو علاج ومعالجہ کی خاطر نزدیکی ہسپتال منتقل کیا جہاں ڈاکٹروں نے اسے مردہ قرار دیا۔
متوفی کی شناخت ۱۶سالہ فیضان احمد نندا ولد محمد رفیق نندا ساکن زعفران کالونی سری نگر کے بطور ہوئی ہے ۔
دریں اثنا پولیس نے معاملے کی نسبت کیس درج کرکے تحقیقات شروع کی ہے ۔