ڈی جی پی کا راجوری میں سیکورٹی منظر نامے کا جائزہ

جموں//
ڈائریکٹر جنرل آف پولیس (ڈی جی پی) جموںکشمیر نالین پربھات نے ضلع راجوری کا دورہ کیا اور وہاں سیکورٹی منظر نامے کا جائزہ لیا۔
اس دوران انسپکٹر جنرل آف پولیس (آئی جی پی) جموں زون بھیم سین توتی ان کے ہمراہ تھے ۔
راجوری پولیس نے ’ایکس‘پر ایک پوسٹ کے ذریعے جانکاری فراہم کرتے ہوئے کہا کہ جموںکشمیر کے ڈی جی پی نالین پربھات نے جموں زون کے آئی جی پی بھیم سین توتی کے ہمراہ راجوری کا دورہ کیا۔
پوسٹ میں کہا گیا’’ڈی جی پی نے اس دوران ایس او جی جوانوں اور افسروں کے ساتھ بات چیت کی اور تربیتی اقدامات سمیت سیکورٹی منظر نامے اور آپریشنل تیاریوں کا جائزہ لیا‘‘۔
پربھات نے دورے کے دوران سیکورٹی گرڈ کے استحکام پر زور دیا۔