سرینگر، جموں قومی شاہراہ دو طرف سے کھلی

سرینگر//
وادی کشمیر کو ملک کے باقی حصوں کے ساتھ جوڑنے والی سرینگر،جموں قومی شاہراہ پر ٹریفک کی دوطرفہ نقل و حمل جاری ہے تاہم بڑی گاڑیوں کو سرینگر سے جموں جانے کی اجازت ہے ۔
ٹریفک حکام نے بتایا کہ قومی شاہراہ پر دو طرفہ ٹریفک کی نقل و حمل جاری ہے ۔انہوں نے کہا تاہم بڑی گاڑیوں کو سری نگر سے جموں جانے کی اجازت ہے ۔
حکام نے مسافروں سے لین ڈسپلن کے مطابق چلنے اور اووٹیکنگ کرنے پرہیز کرنے کی تاکید کی ہے کہ قومی شاہراہ پر جام نہ ہوسکے ۔
مسافروں سے کہا گیا ہے کہ وہ قومی شاہراہ پر دن کے دوران ہی سفر اختیار کریں نیز چٹانیں کھسک آنے کے خدشات کے پیش نظر رام بن اور بانہال کے درمیان غیر ضروری قیام کرنے سے پرہیز کریں۔
ادھر وادی کو لداخ یونین ٹریٹری کے ساتھ جوڑنے والی سرینگر، لیہہ شاہراہ بھی۲۰فروری سے مسلسل بند ہے جبکہ جنوبی کشمیر کے ضلع شوپیاں کو صوبہ جموں کے پونچھ اور راجوری اضلاع کے ساتھ جوڑنے والے تاریخی مغل روڈ پر گذشتہ۲ماہ سے ٹریفک کی نقل و حمل معطل ہے ۔
حکام کا کہنا ہے کہ سنتھن روڈ اور چمبا بھدرواہ روڈ بھی مسلسل بند ہیں۔