ادھم پور میں سی آر پی ایف جوان کی مبینہ خود کشی

جموں//
جموںکشمیر کے ادھم پور ضلع میں ایک سی آر پی ایف جوان نے مبینہ طورپر اپنی ہی سروس رائفل سے خود کش کرلی ۔
ذرائع نے بتایا کہ منگل کے روز سری نگر جموں شاہراہ پر ٹکری کے مقام پر تعینات سی آر پی ایف جوان نے اپنی ہی سروس رائفل سے اپنا کام تمام کردیا ۔
گولی کی آواز سنتے ہی وہاں موجود دوسرے فوجی اپنے ساتھی کی طرف دوڑ پڑے اور اس کو خون میں لت پت پایا۔ اگر چہ فوجی جوان کو نزدیکی ہسپتال پہنچایا گیا لیکن وہاں ڈاکٹروں نے اس کو مردہ قرار دیا۔
متوفی جوان کی شناخت پروین پٹیل ساکن مہاراشٹریہ کے بطور کی گئی ہے ۔
دریں اثنا جموں و کشمیر کے حالات پر گہری نظر رکھنے والے مبصرین کا کہنا ہے کہ سکیورٹی فورسز اہلکاروں میں خودکشی کے بڑھتے ہوئے رجحان کی وجہ سخت ڈیوٹی، اپنے عزیز و اقارب سے دوری اور گھریلو و ذاتی پریشانیاں ہیں۔
مبصرین نے کہا کہ اگرچہ حکومت نے سیکورٹی اہلکاروں کے لئے یوگا اور دیگر نفسیاتی ورزشوں کو لازمی قرار دیا ہے لیکن باوجود اس کے جموں و کشمیر میں جوانوں کی جانب سے خودکشی کے واقعات گھٹنے کی بجائے بڑھ رہے ہیں۔