سری نگر کے گونی کھن مارکیٹ آتشزدگی میں شاپنگ کمپلیکس کو نقصان

سرینگر//
سرینگر کے مشہور گونی کھن مارکیٹ میں منگل کی صبح آتشزدگی کی ایک واردات میں ایک شاپنگ کمپلیکس کی بالائی منزل کو نقصان پہنچا۔
محکمہ فائر اینڈ ایمرجنسی کے ایک عہدیدار نے بتایا کہ سری نگر کے گونی کھن مارکیٹ میں منگل کی صبح۹بجے ایک شاپنگ کمپلیکس کی بالائی منزل سے آگ نمودار ہوئی۔انہوں نے کہا کہ اس ضمن میں اطلاع موصول ہوتے ہی ۶فائر ٹنڈرس جائے موقع پر پہنچے اور آگ پر قابو پا کر اس کو مزید پھیلنے سے روک دیا۔
عہدیدار کا کہنا تھا کہ آگ کی اس واردات میں شاپنگ کمپلیکس کی بالائی منزل کو نقصان پہنچا۔انہوں نے بتایا کہ آگ لگنے کی وجوہات معلوم کی جا رہی ہیں تاہم اس میں کسی جانی نقصان کی کوئی اطلاع نہیں ہے ۔