جموں شوٹ آوٹ پانچ ملزمان دہلی سے گرفتار

جموں//
جموںکشمیرپولیس نے جیول چوک فائرنگ معاملے میں دہلی سے پانچ ملزمان کو حراست میں لیا ہے۔
بتادیں کہ ۲۱جنوری کو جیول چوک جموں میں نامعلوم افراد نے گاڑی میں سوار ایک شخص پر فائرنگ کی جس کے نتیجے میں اس کی موقع پر ہی موت واقع ہوئی۔
اطلاعات کے مطابق جموں وکشمیر پولیس کو اس وقت ایک اہم کامیابی ملی جب جیول چوک جموں شوٹ آؤٹ کیس میں مبینہ طورپر ملوث پانچ ملزمان کو دہلی سے حراست میں لے کر ان سے پوچھ تاچھ شروع کی۔
پولیس ذرائع کے مطابق جیول چوک شوٹ آوٹ کے بعد پولیس نے ملزمان کی بڑے پیمانے پر تلاش شروع کی تھی۔انہوں نے بتایا کہ مصدقہ اطلاع ملنے کے بعد پولیس نے دہلی میں پانچ ملزمان کو اس وقت گرفتار کیا جب وہ نیپال جانے کی منصوبہ بندی کر رہے تھے۔
معلوم ہوا ہے کہ دہلی سے گرفتاری کے بعد ملزمان کو جموں وکشمیر پولیس کے حوالے کیا گیا ہے۔