سوپور میں۳منشیات فروش گرفتار، منوعہ مواد بر آمد:پولیس

سرینگر//
پولیس نے شمالی کشمیر کے قصبہ سوپور میں۳منشیات فروشوں کو گرفتار کرکے ان کی تحویل سے ممنوعہ مواد بر آمد کیا ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ پولیس اسٹیشن پنزالہ کی ایک ٹیم نے ہمدانیہ کالونی نائید ہال رفیع آباد میں ناکے کے دوران تین افراد کو روکا۔
ترجمان نے کہا کہ تلاشی کے دوران ان کی تحویل سے۱۲۲گرام چرس جیسا مواد بر آمد کیا گیا جس کے بعد تینوں کی گرفتاری عمل میں لائی گئی۔
گرفتار شدگان کی شناخت عادل احمد لون ولد محمد رجب لون، محمد شفیع شیخ ولد غلام نبی شیخ اور سجاد احمد لون ولد محمد صدیق لون ساکنان نائید ہال رفیع آباد کے طور پر کی گئی ہے ۔
بیان میں کہا گیا کہ اس ضمن میں پولیس اسٹیشن پانزلہ میں متعلقہ دفعات کے تحت ایک کیس درج کرکے مزید تحقیقات شروع کی گئی ہے۔
سوپور پولیس نے لوگوں سے منشیات یا دوسرے جرائم کے متعلق معلومات سے نزدیکی پولیس سٹیشن کو مطلع کرنے کی اپیل کی ہے ۔