سرینگر میں کوڈین فاسفیٹ کی۲۹۰بوتلیں برآمد:پولیس

سرینگر//
منشیات کے خلاف جنگ کو جاری رکھتے ہوئے پولیس نے سرینگر کے پانتھہ چوک علاقے میں تلاشی کے دوران ایک رہائشی مکان سے کوڈین فاسفیٹ کی۲۹۰بوتلیں برآمد کی ہیں۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ مصدقہ اطلاع پر کارروائی کرتے ہوئے پولیس اسٹیشن پانتھہ چوک کی ایک پارٹی نے عرفان احمد گنائی ولد منظور احمد گنائی ساکن اتھہ واجن کے رہائشی مکان کی تلاشی لی۔
ترجمان نے کہا کہ تلاشی تحصیلدار پانتھہ چوک (ایک گزیٹیڈ آفیسر) کی موجودگی میں لی گئی اور اس دوران کوڈین فاسفیٹ کی۲۹۰بوتلیں برآمد کی گئیں۔
بیان میں کہا گیا کہ اس ضمن میں پولیس اسٹیشن پانتھہ چوک میں این ڈی پی ایس ایکٹ کے متعلقہ دفعات کے تحت ایک کیس درج کیا گیا اور مزید تحقیقات شروع کی گئیں۔
ترجمان نے مزید کہا کہ جموںکشمیر پولیس منشیات کی اسمگلنگ کو روکنے اور کمیونٹی کی حفاظت اور بہبود کو یقینی بنانے کیلئے پرعزم ہے ۔