کپوارہ میں آئی ای ڈی نما مشکوک شئے بر آمد، ناکارہ بنا دی گئی

سرینگر///
شمالی کشمیر کے ضلع کپوارہ کے لنگیٹ علاقے میں ہندوارہ، بارہمولہ روڈ پر بدھ کی صبح ایک مشکوک شئے بر آمد کی گئی جس کو بعد میں بغیر کوئی نقصان پہنچائے ناکارہ بنا دیا گیا۔
حکام نے بتایا کہ سیکورٹی فورسز نے بدھ کی صبح کپوارہ کے لنگیٹ علاقے میں بارہمولہ ، ہندوارہ روڈ پر آئی ای ڈی نما مشکوک شئے کو بر آمد کیا۔
حکام نے کہا کہ اس مشکوک شئی کو دیکھنے کے بعد بم ناکارہ بنانے والی ایک ٹیم کو جائے موقع پر طلب کیا گیا جنہوں نے اس کو بغیر کوئی نقصان پہنچائے ناکارہ بنا دیا۔
ذرائع نے بتایا کہ شاہراہ پر ٹریفک کی نقل و حمل کو احتیاطی طور پر روک دیا گیا تھا جس کو بعد میں بحال کر دیا گیا۔
تاہم یہ فوری طور پر معلوم نہیں ہوسکا کہ آیا یہ مشکوک شئے آئی ای ڈی تھی یا نہیں۔
بتادیں کہ پیر کے روز بارہمولہ کے پٹن علاقے میں سیکورٹی فورسز نے ایک آئی ای ڈی کو ناکارہ بنا دیا تھا۔