کشتواڑ میں بندوق سے نکلنے والی گولی لگنے سے فوجی ہلاک

جموں//
جموںکشمیر کے ضلع کشتواڑ کے چھاترو علاقے میں اپنے ہی بندوق سے اچانک نکلنے والی گولی لگنے سے ایک فوجی جوان کی موت واقع ہوئی۔
پولیس ذرائع نے بتایا کہ کشتواڑ کے چھاتر علاقے میں تعینات ایک ایک فوجی جوان کی اپنی ہی بندوق سے اچانک نکلنے والی گولی لگنے سے موت واقع ہوئی۔انہوں نے کہا کہ گرچہ اس جوان کو فوری طور پرنزدیکی ہسپتال پہنچایا گیا لیکن وہاں موجود ڈاکٹروں نے اس کو مردہ قرار دیا۔
متوفی جوان کی شناخت۲۴سالہ سپاہی ستنام سنگھ ولد بالکر سنگھ ساکن سوچھیت گڑھ جموں کے طور پر کی گئی ہے ۔
دریں اثنا پولیس نے اس ضمن میں ایک کیس درج کرکے تحقیقات شروع کی ہے۔
ادھر جموںکشمیر کے ضلع اودھم پور کے چپر جنگلاتی علاقے میں ایک ولیج ڈیفنس گارڈ (وی ڈی جی) کی پر اسرار حالت میں لاش بر آمد کی گئی۔
پو لیس ذرائع نے بتایا کہ اودھم پور کے چپر جنگلاتی علاقے میں ایک سابق ولیج ڈیفنس گارڈ کو اپنی رائفل (۳۰۳)کے ساتھ پر اسرار حالت میں مردہ پایا گیا۔
متوفی کی شناخت۴۵سالہ اشوک کمار ولد رومن چند سالن چپر اودھم پور کے طور پپر کی گئی ہے ۔
دریں اثنا پولیس نے لاش کو قانونی و طبی لوازمات کی ادائیگی کیلئے اپنی تحویل میں لے لیا ہے ۔پولیس نے اس ضمن میں ایک کیس درج کرکے مزید تحقیقات شروع کی ہے۔