نوجوان کو گرل فرینڈ کے سابق بوائے فرنڈ نے چھرے سے زخمی کیا

سرینگر//
پولیس نے بتایا کہ سری نگر کے ایس پی کالج کے کھیل کے میدان میں منگل کو نامعلوم حملہ آوروں کی طرف سے مبینہ طور پر چاقو کے وار سے ایک۲۳ سالہ نوجوان زخمی ہو گیا۔
پولیس اسٹیشن کوٹھی باغ کو ایک مصدقہ اطلاع موصول ہوئی کہ ایس پی کالج گراؤنڈ میں چھرا گھونپنے کا واقعہ پیش آیا ہے اور متاثرہ کو ایس ایم ایچ ایس اسپتال سری نگر لے جایا گیا ہے۔
اطلاع ملتے ہی پولیس کی ایک ٹیم فوری طور پر ایس ایم ایچ ایس اسپتال سری نگر پہنچی۔ زخمی شخص کی شناخت مومن احمد ڈار ولد ریاض احمد اننت ناگ بسنت باغ حبہ کدل کے طور پر کی گئی ہے، جس نے بتایا ہے کہ اسے اس کی گرل فرینڈ کے سابق بوائے فرینڈ ارسلان اعجاز ولد اعجاز احمد بھٹ نے حملہ کیا۔ اس حملے میں ان کے پیٹ کے بائیں جانب اور سر پر سر میں چوٹ لگی ہے اور فی الحال وہ مستحکم ہے۔
پولیس کے مطابق مومن ڈار اننت ناگ ضلع کا رہائشی ہے جو اس وقت بسنت باغ سری نگر میں مقیم ہے۔ اس حملے میں اسے سر اور سینے پر چوٹیں آئیں۔ کئی لوگوں نے مبینہ طور پر کالج کے کھیل کے میدان میں ڈار پر تیز دھار ہتھیاروں سے حملہ کیا۔
حکام نے بتایا’’واقعے کے بعد، ڈار کو ایس ایم ایچ ایس اسپتال لے جایا گیا، جہاں طبی حکام نے ان کی حالت مستحکم قرار دی‘‘۔
تفتیشی ٹیم نے ملزم ارسلان کو پکڑ لیا ہے اور مزید تفتیش جاری ہے۔