بی جے پی کیخلاف بر سر جنگ لیڈروںکو لوگوں نے نوازا:میر

سرینگر//
آل انڈیا کانگریس کمیٹی کے جنرل سکریٹری غلام احمد میر کا کہنا ہے کہ لوگوں نے ان امید واروں کو نوازا جو بی جے پی کے خلاف بر سر جنگ تھے ۔
میر نے جموں وکشمیر کے لوگوں کو مبارکباد پیش کی۔
کانگریسی جنرل سکریٹری نے ان باتوں کا اظہار منگل کو ڈورو سیٹ پر جیت درج کرنے کے بعد نامہ نگاروں کے ساتھ بات کرنے کے دوران کیا۔
میر نے کہا’’مجھے ہمیشہ ڈورو شاہ آباد کے لوگوں کی محبت ملی ہے یہ دوطرفہ رشتہ ہے جو ہمیشہ کام آتا ہے ‘‘۔
ان کا کہنا تھا’’میں جموں وکشمیر کے تمام لوگوں کو مبارکباد پیش کرتا ہوں جنہوں نے وقت کی نزاکت کو سمجھا ہماری ایک ہی اپیل تھی کہ کس طرح ہم بی جے پی کی پالسیوں کو ہرا سکیں‘‘۔
میر نے کہا’’جو لیڈر بی جے پی کے خلاف بر سر جنگ تھے ان کو لوگوں نے نوازا‘‘۔انہوں نے کہا’’آگے کا جنگ کس طرح لڑا جائے گا اس کا فیصلہ نتائج آنے کے بعد ہی لیا جائے گا۔‘‘