جی او سی کا لداخ دورہ فوج کی تیاریوں کا لیا جائزہ

لہیہ//
فائر اینڈ فیوری کور کے جنرل آفیسر کمانڈنگ لیفٹیننٹ جنرل ہتیش بالا نے منگل کے روز لداخ میں حقیقی کنٹرول لائن کا دورہ کرکے وہاں تعینات فوجی جوانوں کو مستقبل کے چیلنجوں کا مقابلہ کرنے کیلئے تیار رہنے کی تلقین کی۔
دفاعی ترجمان نے ’ایکس‘ پر جانکاری فراہم کرتے ہوئے بتایا کہ فائر اینڈ فیوری کورکے جنرل آفیسر کمانڈنگ نے لداخ میں حقیقی کنٹرول لائن پر اگلی چوکیوں کا دورہ کیا اور موجودہ زمینی صورتحال کا جائزہ لیا۔
اس موقع پر لیفٹیننٹ جنرل نے فوجی اہلکاروں کے حوصلہ افزائی کرتے ہوئے انہیں اسی جوش و جذبے سے کام کرنے کی تلقین کی۔
بالا نے فوجی اہلکاروں کے پیشہ ورانہ مظاہرئے کے لئے ان کی حوصلہ افزائی کی اور انہیں مستقبل میں بھی اپنے فرائض پیشہ ورانہ طریقے سے انجام دینے کے لئے کہا۔
فوجیوں کے ساتھ بات چیت کے دوران آرمی کمانڈر نے کہاکہ سخت موسمی صورتحال کے باوجود بھی جوان اپنی خدمات خوش اسلوبی کے ساتھ انجام دے رہے ہیں۔
اس سے قبل فوجی کمانڈر کو سینئر آفیسران نے حقیقی کنٹرول لائن کی صورتحال کے بارے میں بریفنگ دی۔
کور کمانڈر نے آفیسران پر زور دیا کہ وہ آپریشنل کوششوں کے تمام شعبوں میں مسلسل کامیابی کے لئے اعلیٰ معیار کو برقرار رکھیں۔