ہندوستان نے زمبابوے کو 23 رنز سے ہرایا

ہرارے//کپتان شبھمن گل (66) اور رتوراج گائیکواڑ (49) کی شاندار اننگز کے بعد ہندوستان نے واشنگٹن سندر (تین وکٹ) کی شاندار گیند بازی کی بنیاد پر بدھ کو تیسرے ٹی 20 میچ میں زمبابوے کو 23 رنز سے شکست دے کر پانچ میچوں کی سیریز میں 2-1 کی برتری حاصل کر لی ہے۔
183 رنز کے ہدف کے تعاقب میں زمبابوے کی شروعات اچھی نہیں رہی اور صرف 3.1 اوورز میں 19 کے اسکور پر تین وکٹیں گنوا دیں۔ ویسلے مادھویرے (1)، تادیوناشے مارومانی (13) اور برائن بینیٹ (4) رنز بنانے کے بعد آؤٹ ہوئے۔ اس کے بعد ڈیون میئرز اور کپتان سکندر رضا نے اننگز کو سنبھالنے کی کوشش کی۔ ساتویں اوور میں واشنگٹن سندر نے سکندر رضا (15) کو آؤٹ کر کے پویلین بھیج دیا۔ سندر نے اسی اوور کے آخری رن پر جوناتھن کیمبل (1) کو بھی آؤٹ کیا۔ ڈیون میئرز اور کلائیو مڈانڈے نے 77 رنز کی اہم شراکت داری کرکے میچ کا رخ موڑ دیا۔ مداندے نے 26 گیندوں میں دو چوکے اور دو چھکے لگا کر 37 رنز بنائے۔ ڈیون میئرز نے 49 گیندوں پر سات چوکوں اور ایک چھکے کی مدد سے 65 رنز کی ناٹ آؤٹ اننگز کھیلی۔ ویلنگٹن مساکاتجا 10 گیندوں میں (18) رنز بنانے کے بعد ناٹ آؤٹ رہے۔ زمبابوے کی ٹیم 20 اوورز میں چھ وکٹوں پر صرف 159 رنز بنا سکی اور 23 رنز سے میچ ہار گئی۔
ہندوستان کی جانب سے واشنگٹن سندر نے 15 رنز کے عوض تین وکٹیں حاصل کیں۔ اویش خان نے دو وکٹیں حاصل کیں۔ خلیل احمد نے ایک بلے باز کو آؤٹ کیا۔
اس سے قبل آج ہندوستانی ٹیم کے کپتان شبھمن گل نے ٹاس جیت کر پہلے بیٹنگ کا فیصلہ کیا۔ بیٹنگ کے لیے آئے یشسوی جیسوال اور شبھمن گل کی اوپننگ جوڑی نے اچھی شروعات کی اور پہلی وکٹ کے لیے 67 رنز جوڑے۔ نویں اوور میں سکندر رضا نے یشسوی جیسوال کو برائن کے ہاتھوں کیچ آؤٹ کروا کر زمبابوے کو پہلی کامیابی دلائی۔ جیسوال نے 27 گیندوں میں چار چوکوں اور دو چھکوں کی مدد سے (36) رن بنائے۔ اس کے بعد گزشتہ میچ کے سنچری فاتح ابھیشیک شرما (10) بلے بازی کے لیے آئے سکندر رضا کا شکار بنے۔ 18ویں اوور میں مزاربانی نے شبھمن گل کو رضا کے ہاتھوں کیچ کروا کر زمبابوے کی تیسری وکٹ حاصل کی۔ گل نے سب سے زیادہ رنز (66) 49 گیندوں میں بنائے، جس میں سات چوکے اور تین چھکے لگائے۔ رتوراج گائیکواڈ نے 28 گیندوں میں چار چوکوں اور تین چھکوں کی مدد سے (49) رنز بنائے۔ سنجو سیمسن (12) اور رنکو سنگھ (1) سات گیندوں پر ناٹ آؤٹ رہے۔ ہندوستان نے مقررہ 20 اوورز میں چار وکٹوں پر 182 رنز بنائے اور زمبابوے کو جیت کے لیے 183 رنز کا ہدف دیا۔