بارہمولہ میں منشیات فروش گرفتار

سرینگر///
منشیات کے خلاف جنگ کو جاری رکھتے ہوئے پولیس نے شمالی کشمیر کے ضلع بارہمولہ میں ایک منشیات فروش کو گرفتار کرکے اس کی تحویل سے ہیرائن جیسا ممنوعہ مواد بر آمد کیا ہے ۔
گرفتار شدہ منشیات فروش کی شناخت محمد قاسم بالا ولد غلام محمد ساکن باغ اسلام اولڈ ٹائون بارہمولہ کے طور پر کی گئی ہے ۔
ایک پولیس ترجمان نے اپنے ایک بیان میں تفصیلات فراہم کرتے ہوئے کہا کہ اولڈ ٹائون بارہمولہ کی پولیس چوکی کی ایک پارٹی نے باغ اسلام میں ایک ناکے کے دوران ایک شخص کو روکا۔
ترجمان نے کہا کہ تلاشی کے دوران اس کی تحویل سے۱۰گرام ہیرائن جیسا ممنوعہ مواد بر آمد کیا گیا جس کے بعد اس کو گرفتار کرکے پولیس اسٹیشن بارہمولہ منتقل کیا گیا۔
گرفتار شدہ منشیات فروش کی شناخت محمد قاسم بالا ولد غلام محمد ساکن باغ اسلام اولڈ ٹائون بارہمولہ کے طور پر کی گئی ہے ۔
پولیس نے بیان میں کہا گیا کہ اس سلسلے میں پولیس اسٹیشن بارہمولہ میں متعلقہ دفعات کے تحت ایک کیس درج کرکے مزید تحقیقات شروع کی گئی۔
قابل ذکر ہے کہ بارہمولہ پولیس نے ضلع میں سال رواں کے پہلے پانچ مہینوں کے دوران۹۵مقدمے درج کرکے ۴۴سخت گیر منشیات فروشوں سمیت۱۷۱منشیات فروشوں کو گرفتار کیا ہے اور ان کی تحویل سے کروڑوں روپے مالیت کا نشہ آور مواد بھی بر آمد کیا ہے ۔