وزیر اعظم کے پاس گھر نہ کار‘۳کروڑ ۲لاکھروپے کی ملکیت

وارنسی//
لگاتار دو بار وزیر اعظم رہنے والے نریندر مودی کے پاس نہ تو اپنا خود کا مکان ہے اور نہ ہی ان کے پاس کوئی گاڑی ہے ۔ ان کے پاس صرف تین کروڑ دو لاکھ روپے کی ملکیت ہے ۔
مودی نے منگل کو وارانسی لوک سبھا سیٹ سے تیسری بار پرچہ نامزدگی داخل کیا۔
وزیر اعظم کی جانب سے داخل کئے گئے حلف ناموں میں انہوں نے اپنی ملکیت کے بارے میں بھی جانکاری دی ہے ۔
مودی نے اپنے پرچہ نامزدگی کے ساتھ داخل حلف ناموں میں ان کے پاس۳کروڑ ۲لاکھ روپے سے زیادہ کی منقولہ اور غیر منقولہ جائیدا د ہونے کا اعتراف کیا ہے ۔ جس میں ایس بی آئی میں دو کروڑ۸۹ لاکھ۴۵ہزار۵۹۸روپے کے فکسڈ ڈپازٹ بھی شامل ہے ۔
اس کے ساتھ ہی ان کے پاس۵۲ہزار۹۲۰روپے نقد ہیں جس میں۲۸ہزار روپئے نکالے گئے ہیں۔
مودی کے پاس گاندھی نگر میں ایس بی آئی بینک کی این ایس سی برانچ میں۷۳ہزار۳۰۴روپے اور وارانسی میں شیو ا جی نگر برانچ میں سات ہزار روپئے جمع ہیں۔
وزیر اعظم نے حلف ناموں میں کہا کہ ان کے پاس نیشنل سیونگ سرٹیفکیٹ میں نو لاکھ۱۲ہزار۳۹۸روپے ہیں۔ مودی کے پاس۴۵گرام وزنی سونے کی چار انگوٹھیاں ہیں جن کی قیمت تقریبا دو لاکھ۶۷ہزار۷۵۰روپے ہے ۔ مالی سال میں ان کے تخمینی انکم ٹیکس ریٹرن تین لاکھ۳۳ہزار۱۷۹روپے ہیں۔
وزیر اعظم کے حلف ناموں کے مطابق ان کے خلاف کوئی مجرمانہ معاملہ درج نہیں ہے ۔