شوپیاں میں منشیات فروش کے گھر پر چھاپہ:پولیس

سرینگر//
جموںکشمیر پولیس نے جنوبی کشمیر کے ضلع شوپیاں میں ایک منشیات فروش کے رہائشی مکان پر چھاپے کے دوران ممنوعہ مواد اور بھاری نقدی رقم بر آمد کی ہے ۔
منشیات فروش کی شناخت فاروق احمد کوکہ ولد غلام حمد ساکن ملہورہ وچھی کے طور پر کی گئی ہے ۔
شوپیاں پولیس نے بدھ کے روز’ایکس‘پر ایک پوسٹ کے ذریعے جانکاری فراہم کرتے ہوئے کہا’’شوپیاں پولیس نے ایگزیکیٹو مجسٹریٹ کی موجودگی میں ایک منشیات فروش کے رہائشی مکان پر چھاپہ مارا‘‘۔
پولیس نے کہا’’اس دوران۲کلو۹۷۰گرام چرس پاؤڈر جیسا ممنوعہ مواد اور۶لاکھ روپے نقد بر آمد کئے گئے ‘‘۔
بیان میں منشیات فروش کی شناخت فاروق احمد کوکہ ولد غلام حمد ساکن ملہورہ وچھی کے طور پر کی گئی ہے ۔انہوں نے کہا کہ اس سلسلے میں ایک مقدمہ درج کرکے مزید تحقیقات شروع کی گئی ہے ۔