بجلی کرنٹ لگنے سے بجلی محکمہ کا عارضی ملازم جاں بحق

جموں/۲مئی
مینڈھر میں بجلی کا کرنٹ سے لگنے سے محکمہ بجلی کا ایک عارضی ملازم لقمہ اجل ہو گیا۔
مقامی ذرائع نے بتایا کہ مینڈھر کے گورسائی علاقے میں محکمہ بجلی کا ایک ڈیلی ویجر کام کے دوران بجلی کرنٹ لگنے سے لقمہ اجل بن گیا، جس کی شناخت نصیر حسین ولد لال حسین کے طور پر ہوئی ہے۔
ذرائع نے بتایا کہ نصیر حسین اپنے ایک ساتھی کے ہمراہ علاقے میں ایک خراب بجلی ٹرانسفارمر کی مرمت کررہاتھاجس دوران اچانک مقامی بجلی سٹیشن سے بجلی سپلائی آن کی گئی جس سے کرنٹ لگنے سے دونوں زخمی ہو گئے۔اْنہوں نے بتایا کہ مقامی لوگوں کی مدد سے دونوں زخمیوں کو فوری طور پر سب ضلع ہسپتال مینڈھر منتقل کیا گیا، جہاں نصیر حسین کو ڈاکٹروں نے مردہ قرار دے دیا، تاہم اْس کے دوسرے ساتھی کی حالت مستحکم بتائی جا رہی ہے۔
پو لیس نے معاملہ کی نسبت کیس درج کر کے مزید تحقیقات شروع کر دی ہے۔