سرینگر لوک سبھا سیٹ : دو آزاد امیدواروں نے کاغذات نامزدگی داخل کئے

سرینگر//
۱۳مئی ۲۰۲۴کو ہونے والے لوک سبھا انتخابات کیلئے سرینگر پارلیمانی حلقہ سے آج دو امیدواروں نے اپنے کاغذات نامزدگی داخل کئے۔
سرینگر پارلیمانی حلقہ کے ریٹرننگ آفیسر (آر او) کے دفتر میں امیدواروں شیبان اشائی اور نثار احمد اہنگر نے آزاد حیثیت سے اپنے کاغذات نامزدگی جمع کرائے۔
سرینگر پارلیمانی حلقہ میں پرچہ نامزدگی داخل کرنے کی آخری تاریخ ۲۵؍ اپریل۲۰۲۴ (جمعرات) سہ پہر ۳ بجے تک ہے۔
اس حلقے سے نیشنل کانفرنس نے سینئر لیڈر آغا روح اللہ کو اتارا ہے ۔ جبکہ وحیدالرحمان پرے پی ڈی پی کے امیدوار ہیں ۔بی جے پی نے اس حلقے سمیت وادی کے دوسرے دو حلقوں شمالی کشمیر اور جنوبی کشمیر سے الیکشن نہ لڑنے کا اعلان کیا ہے ۔