شہریوں کو دھوکہ دینے کے الزام میں خاتون گرفتار:پولیس

سرینگر//
جموں کشمیر پولیس نے سرینگر میں لوگوں کو دھوکہ دینے کے الزام میں ایک خاتون کو گرفتار کرکے اس کی تحویل سے زائد از دو درجن اے ٹی ایم کارڈ، نقدی رقم اور سونے کی کچھ چیزیں بر آمد کی ہیں۔
خاتون کی شناخت زینت دختر غلام احمد پامپوری ساکن سرائے بالا کے طور پر کی گئی ہے ۔
سری نگر پولیس نے جمعرات کو’ایکس‘پر ایک پوسٹ کے ذریعے جانکاری فراہم کرتے ہوئے کہا’’پولیس نے زینت دختر غلام احمد پامپوری ساکن سرائے بالا نامی ایک خاتون کو گرفتار کیا ہے جو اے ٹی ایم کے باہر مدد کرنے کی آڑ میں اے ٹی ایم کارڈز کا تبادلہ کرکے عام شہریوں کو دھوکہ دیتی تھی‘‘۔
پولیس نے کہا کہ اس سلسلے میں پولیس اسٹیشن خانیار میں متعلقہ دفعات کے تحت ایک کیس درج کیا گیا۔
پوسٹ میں کہا گیا کہ گرفتار شدہ خاتون کی تحویل سے۳۰؍اے ٹی ایم کارڈ‘۳۹ہزا ایک سو۳۰روپے نقدی اور سونے کی کچھ چیزیں بر آمد کی گئیں۔