کشتی الٹنے کا سانحہ :صوبائی کمشنرکی متاثرین سے ملاقات‘ امداد کی تقسیم

سرینگر//
ڈویڑنل کمشنر کشمیر‘ وجے کمار بدھوری اور ڈپٹی کمشنر سرینگر ڈاکٹر بلال محی الدین بھٹ نے آج سرینگر ضلع کے علاقے گنڈبل کا دورہ کیا جہاں منگل کی صبح دریائے جہلم میں لوگوں کو لے جانے والی ایک کشتی الٹ گئی۔
افسروں نے اس افسوسناک واقعہ میں اپنی جان گنوانے والے مرنے والوں کے اہل خانہ سے ملاقات کی۔
افسران نے گزشتہ روز ایک کشتی الٹنے سے دریائے جہلم میں چھ افراد کے ڈوبنے پر گہرے رنج و غم کا اظہار کیا اور سوگواروں کے ساتھ یکجہتی کا اظہار کیا۔اس موقع پر مرنے والوں کے اہل خانہ کو فی کس۵ لاکھ روپے کا معاوضہ دیا گیا۔
اس کے علاوہ ۴زخمیوں کو فی کس۵۰ہزار روپے کی رقم بھی دی گئی۔
ایڈیشنل ڈپٹی کمشنر سرینگر سید احمد کٹاریہ، ایس ڈی ایم ایسٹ مرتضیٰ احمد، تحصیلدار پنتھاچوک، مزمل احمد اور ضلع انتظامیہ سرینگر کے دیگر متعلقہ حکام نے شرکت کی۔
دریں اثناء گزشتہ روز کشتی الٹنے کے بعد لاپتہ مزید ۳؍ افراد کی لاشوں کی تلاش کے لئے ریسکیو آپریشن تیز کردیا گیا ہے۔