لوگ وزیر اعظم کا بے صبری سے انتظار کر رہے ہیں:رینا

سرینگر//
بی جے پی جموں وکشمیر یونٹ کے صدر رویندر رینا کا کہنا ہے کہ وزیر اعظم نریندر مودی۷مارچ کو یہاں بخشی اسٹیڈیم میں ایک تاریخی عوامی ریلی سے خطاب کریں گے ۔
رینانے کہا کہ کشمیر کے لوگ وزیر اعظم کا بے صبری سے انتظار کر رہے ہیں۔
ان کا کہنا ہے کہ جموں وکشمیر کے۲۸۵بلاکوں میں سیکرین لگا کر لوگ مودی جی کا خطاب سنیں گے ۔
بی جے پی یونٹ صدر نے ان باتوں کا اظہار بدھ کو یہاں نامہ نگاروں کے ساتھ بات کرنے کے دوران کیا۔
رینا نے کہا’’کشمیر کے لوگ بے صبری سے وزیر اعظم مودی جی کا انتظار کر رہے ہیں اور کشمیر میں ان کا شاندار استقبال ہونے والا ہے‘‘۔
ان کا کہنا تھا’’دو لاکھ سے زیادہ لوگ۷مارچ کو مودی جی کی ریلی میں شرکت کرنے والے ہیں اور بخشی اسٹیڈیم میں جو بیٹھنے کی گنجائش ہے اس سے کئی گنا زیادہ لوگ ہوں گے ‘‘۔
رینا نے کہا کہ جموںکشمیر کے۲۸۵بلاکوں میں سیکرین لگا کر لوگ مودی جی کا خطاب سنیں گے ۔انہوں نے کہا کہ شیر کشمیر اسٹیڈیم، ایس کے آئی سی سی اور دیگر بڑی پارکوں میں ریلی کو لائیو رکھا جائے گا تاکہ لوگ مودی جی کی اس تاریخی ریلی کا نظارہ دیکھ سکیں اور ان کے خطاب کو سن سکیں۔
۔۔۔۔۔۔۔۔۔۔۔۔