ترقی یافتہ ہندوستان کے لیے مینوفیکچرنگ کو جی ڈی پی کے 25 فیصد تک لے جانا ہوگا: شاہ

نئی دہلی/// فکی کے صدر اور مہندرا گروپ کے گروپ کے سی ای او اور منیجنگ ڈائریکٹر انیش شاہ نے آج کہا کہ سال 2047 میں 30 ٹریلین ڈالر کی معیشت کے ساتھ ایک ترقی یافتہ ہندوستان بنانے کے خواب کو پورا کرنے کے لیے مینوفیکچرنگ مجموعی گھریلو پیداوار (جی ڈی پی) کا 25 فیصد ہونا چاہئے ۔
"ایک ترقی یافتہ ہندوستان کے لیے ، ہمیں زیادہ پرجوش ہونے کی ضرورت ہے اور مینوفیکچرنگ کو 16 گنا اور برآمدات میں 11 گنا اضافہ کرنے کی ضرورت ہے ،” مسٹر شاہ نے ایک نجی ٹیلی ویژن نیٹ ورک کے ذریعہ منعقدہ آئیڈیاز آف انڈیا سمٹ 3.0 کے آغاز کے موقع پر اپنے خطاب میں یہ بات کہی۔
قومی ترقی اور اقتصادی خوشحالی میں تیزی سے اضافہ کرنے میں صنعتوں اور کاروباری اداروں کے اہم کردار پر اپنے نقطہ نظر کا اشتراک کرتے ہوئے ، انہوں نے کہا کہ اگلے 7 سالوں میں، ہندوستانی جی ڈی پی عالمی جی ڈی پی میں پورے یورپی یونین کے برابر حصہ ڈال سکتا ہے ۔ انہوں نے کہا کہ مرکزی عام بجٹ میں سیاست پر معاشی ترجیح کا انتخاب کیا گیا ہے ، مالیاتی نظم و ضبط اپنایا گیا ہے اور سرمایہ کاری میں اضافہ کیا گیا ہے ۔ ریزرو بینک آف انڈیا نے مہنگائی کو کنٹرول کرنے میں بہتر کام کیا ہے ۔
انہوں نے کہا کہ بنیادی ڈھانچہ تیار کیا جا رہا ہے تاکہ ہندوستان میں مینوفیکچرنگ مسابقتی بن سکے ۔ اس کو حقیقت بنانے کے لیے ہر فرد کا کردار ہے ۔