حکومت عطیات کے لیے ‘وصولی بھائی’ کی طرح کام کر رہی ہے : راہل

نئی دہلی// کانگریس کے لیڈر راہل گاندھی نے جمعہ کو مودی حکومت پر عطیات حاصل کرنے کے لئے ‘وصولی بھائی’ کی طرح کام کرنے کا الزام لگاتے ہوئے کہا کہ کمپنیوں کو ایجنسیوں کا استعمال کرکے ڈرایا جا رہا ہے اور ان سے چندہ کی وصولی کی جارہی ہے ۔
مسٹر گاندھی نے کہا، "کیا آپ وزیر اعظم کی ‘چندہ دو، بیل اور بزنس لو’ اسکیم کے بارے میں جانتے ہیں۔ ‘وصولی بھائی’ کی طرح وزیر اعظم ای ڈی، آئی ٹی اور سی بی آئی کا غلط استعمال کرکے ملک میں ‘عطیہ کا کاروبار’ کر رہے ہیں۔ رپورٹس میں سامنے آیا ہے کہ ریکوری ایجنٹ بنی ایجنسیوں کی تحقیقات میں پھنسی 30 کمپنیوں نے تحقیقات کے دوران بی جے پی کو 335 کروڑ روپے کا عطیہ دیا۔
انہوں نے کہا، "عطیات کا کاروبار اتنی بے شرمی سے چل رہا ہے کہ مدھیہ پردیش میں ایک ڈسٹلری کے مالکان نے ضمانت ملتے ہی بی جے پی کو چندہ دے دیا۔ بے ایمانی کے ذریعے دوست کی کمپنی کو فائدہ اور باقی کے لیے الگ اصول۔ مودی حکومت میں بی جے پی کو دیا گیا ‘غیر قانونی عطیہ’ اور ‘الیکٹرول بانڈ’ ‘کاروبار کرنے میں آسانی’ کی گارنٹی ہے ۔