بھاری برفباری کے بعدکشمیر کے بیشتر مقامات پر موسم میں بہتری

سرینگر//
وادی کشمیر میں وسیع پیمانے پر برف باری کے بعد جہاں ایک طرف موسم میں بہتری واقع ہوئی ہے وہیں شبانہ درجہ حرارت میں مزید گراوٹ درج ہوئی ہے اور سیاحتی مقام گلمرگ میں کم سے کم درجہ حرارت منفی۴ء۹ڈگری سینٹی گریڈ ریکارڈ ہوا ہے ۔
سرینگر میں گذشتہ چوبیس گھنٹوں کے دوران ۵ء۵سینٹی میٹر برف ریکارڈ ہوئی ہے جبکہ قاضی گنڈ میں۳۴ سینٹی میٹر، پہلگام۵۰سینٹی میٹر، کپوارہ میں۵سینٹی میٹر، کوکر ناگ میں۵۹سینٹی میٹر، گلمرگ میں۴۰سینٹی میٹر ریکارڈ ہوئی ہے ۔
سیاحتی مقام گلمرگ جہاں آج یعنی۲۱فروری سے کھیلو انڈیا کے سرمائی گیمز کا چوتھا ایڈیشن شروع ہونے والا ہے ،میں اس وقت زائد از۴فٹ برف جمع ہے ۔
سرینگر میں کم سے کم درجہ حرارت۰ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۷ء۰ڈگری سینٹی گریڈ ریکارڈ ہوا تھا۔
سیاحتی مقام گلمرگ میں کم سے کم درجہ حرارت۴ء۹ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۰ء۴ڈگری سینٹی گریڈ ریکارڈ ہوا تھا۔
ایک اور سیاحتی مقام پہلگام میں کم سے کم درجہ حرارت منفی۶ء۱ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت منفی۵ء۰ڈگری سینٹی گریڈ ریکارڈ ہوا تھا۔
شمالی ضلع کپوارہ میں کم سے کم درجہ حرارت منفی۴ء۰ڈگری سینٹی گریڈ ریکارڈ کیا گیا جہاں گذشتہ شب بھی یہی درجہ حرارت ریکارڈ ہوا تھا۔
قصبہ قاضی گنڈ میں کم سے کم درجہ حرارت۰ء۰ڈگری سینٹی گریڈ ریکارڈ کیا گیا جہاں گذشتہ شب کا درجہ حرارت۱ء۰ڈگری سینٹی گریڈ ریکارڈ ہوا تھا۔
دریں اثنا محکمہ موسمیات کی پیش گوئی کے عین مطابق وادی میں موسمی صورتحال میں بہتری واقع ہوئی ہے ۔
متعلقہ محکمے کے ایک ترجمان نے بتایا کہ وادی میں۲۶فروری تک موسم مجموعی طور پر خشک رہنے کا امکان ہے ۔انہوں نے کہا کہ بعد ازاں وادی میں۲۷سے۲۹ فروری تک کہیں کہیں ہلکی برف باری متوقع ہے ۔
قابل ذکر ہے کہ وادی میں بیس روزہ چلہ خورد تخت نشین ہوا ہے گرچہ اس چلہ کے دوران بھی بھاری برف باری ہوسکتی ہے تاہم درجہ حرارت میں بتدریج بہتری ریکارڈ کی جائے گی۔