راجوری:غی قانونی سرگرمیوں میںملوث شخص پر پی ایس اے عائد

جموں//
جموں کشمیر کے راجوری ضلع میں امن و امان کے لیے خطرہ بننے والی غیر قانونی سرگرمیوں میں مبینہ طور پر ملوث ہونے کے الزام میں ایک شخص کے خلاف سخت پبلک سیفٹی ایکٹ کے تحت معاملہ درج کیا گیا ہے۔
پولیس کے ایک ترجمان نے بتایا کہ نوشہرہ سب ڈویڑن کے پوکھرنی کے رہنے والے محمد اعظم کو پولیس کے ذریعہ گرفتاری کے فورا بعد راجوری ضلع جیل میں رکھا گیا تھا۔
پولیس نے کہا کہ راجوری کے ڈی ایم نے ضلع پولیس آفس کی طرف سے پیش کردہ تفصیلی رپورٹ کی بنیاد پر اعظم کی نظر بندی کا حکم جاری کیا ۔
پولیس ترجمان نے کہا کہ ملزم کے خلاف ۲۰۱۳ اور۲۰۲۱ کے درمیان نوشہرہ تھانے میں متعدد مجرمانہ مقدمات درج کیے گئے تھے ۔ انہوں نے مزید کہا کہ متعدد ایف آئی آر میں مقدمہ درج ہونے کے باوجود ، ملزم اب بھی اپنے طریقوں میں اصلاح نہیں کررہا تھا اور’غیر قانونی سرگرمیوں‘ میں ملوث تھا اور امن و امان کے لئے خطرہ بن رہا تھا۔ (ایجنسیاں)